[時事] 扒浴缸 最潮 陳淑莊贏比賽靠雨傘

扒浴缸　最潮 20110620
陳淑莊贏比賽靠雨傘


[轉載/Youtube]旅發局噚日喺尖東海旁舉行最後一日嘅「龍舟嘉年華」,唔少市民同遊客扮鬼扮馬喺岸邊觀賽,下午舉行嘅名人划浴缸比賽更加係壓軸好戲。
一向貪玩嘅公民黨陳淑莊噚日同助手組隊「划浴缸」,佢同八方講,雖然冇贏乜獎牌,但成績已經冠絕立法會,皆因包括佢在內嘅四個議員參賽,會計界陳茂波一落水就跌咗眼鏡;民主黨李華明維持到 3秒就反艇,上演「有隻白鴿跌落水」。謝偉俊同白姐姐雖然情侶檔,但最終輸畀陳淑莊,唯一慶幸係佢哋划足全程都冇跌落水。陳淑莊從未扒過龍舟,賽前惟有同助手以雨傘充當船槳,喺辦公室划空氣當練習,點知咁都過關。