日本預支蜜月返港 Sammi疑似婚戒曝光
苦力安 拖Sammi日本掃貨 2011-06-14
拖Sammi日本掃貨 馮仁昭四圍超：安仔樂做苦力 - 馮仁昭
[轉載/Youtube] 鄭秀文（Sammi）同許志安日前去咗日本預支蜜月，原來呢對翻撻戀人去日本南青山玩，仲有人見到佢哋喺當地拍拖shopping嘅情況，當中Sammi一身便服攞住個手袋仔，不知幾咁輕鬆，反而安仔就孭住個大背囊，幫女友攞戰利品，不過安仔依然可以空隻左手出嚟拖住Sammi，真係甜到漏。 為女友影相
一向鍾意玩微博嘅Sammi享受完二人世界後，喺返港前一日終於忍唔住玩吓微博，仲上載咗幾張喺日本嘅新相，其中一張係佢試緊衫，喺鏡前擺晒甫士，夠晒風騷，另一張就坐喺試身室前對鏡反影，呢張似係等緊安仔試衫，自拍打發時間。
另外，Sammi又貼咗張high tea嘅相，呢張當然係由安仔操刀影啦。仲有一張相似係一間和食舖頭嘅單張，Sammi喺上面寫咗啲資料，一定係食過翻尋味，諗住下次去日本時再幫襯。玩完六日後，Sammi同安仔噚晚搭夜機返港，Sammi執行李前喺微博留言：「我寧願洗一百隻碗碟都唔想執一個行李。」
0 comments:
Post a Comment