[娛樂] 黃婉曼真係好波過碧咸!

[轉載/Youtube] 早前黃婉曼主持節目時，錢嘉樂邀她坐在嘉賓席一起講波，張國強KK竟爆出一句:「黃婉曼真係好波！」嚇得現場主持和嘉賓目瞪口呆，不過當大家以為KK口花，好波係講黃婉曼身材時，原來黃婉曼真係好好波，腳法分分鐘好過碧咸！

日前就有一段黃婉曼和兩位《撳錢》節目主持人Keyman和Danny一起戶外拍攝，Keyman和Danny在球場上不停熱身，話要挑戰高難度動作，遠距離射波射中垃圾桶，而斯斯文文的黃婉曼就大口氣地話：「就咁踢入去，好似冒險樂園咁啫！」兩位男主持聽完，即時叫佢表演，點知黃婉曼真係好好波，話咁易就射中，之後更同Danny輸賭一個星期午餐，再入一球落在更遠位置的垃圾桶內，所以話真係唔好睇小啲女仔，踢波入波分分鐘勁過啲男仔！