[轉載/Youtube] 鄭嘉穎、胡杏兒、滕麗名和林子善等昨日在深水埗宣傳無綫新劇《怒火街頭》。有指無綫為力挽狂瀾，下月會晒冷舉行節目巡禮狙擊now，並將小生花旦的緋聞和三角緋聞全擺上枱吸金，鄭嘉穎和杏兒均表示為了賺錢絕不介意，果然金錢大過天。 無綫新劇《怒火街頭》今晚開始播映，劇中演員鄭嘉穎、胡杏兒、滕麗名、林子善及早前疑遭非禮的沈卓盈昨日乘坐開篷巴士到深水埗宣傳。途中林子善竟大叫：「附近有冇一樓一呀，不如駛去嗰度。」街上途人即回應說：「唔好教壞細路，一樓一！」事後眾人到街上派發宣傳單張，引來不少市民圍觀。
胡杏兒透露鄭嘉穎在第一集中會露股罅，問嘉穎事前有沒有操弗？他笑說：「冇呀，嗰個位冇得操，如果你識教吓我呀。」
嘉穎：見到say hi
對於無綫為力挽狂瀾，提早於下月舉行節目巡禮，並有意邀一班緋聞男女如鄭嘉穎、佘詩曼和周麗淇等出席，以作吸金之用，問嘉穎會否介意與阿佘和周麗淇一齊銀？他說：「安排到先講啦，搵錢可以考慮，我都係睇錢，我唔會尷尬，見到咪say hi，好多時電視城都有機會見到。」
杏兒則說：「吓，我得好少緋聞男友，可唔可以多啲呀。」早前有傳黃宗澤和徐子珊拍劇撻着，問杏兒會否介意三人同場，她大方說：「記得加埋我，三角戀咁出嚟，有錢齊齊搵。」
同場的滕麗名早前被指有新戀情，她強調男方只是朋友甲，她說：「我話我自己單身，總之順其自然啦，我唔想成日講感情，我生活好愉快。」
0 comments:
Post a Comment