[娛樂] 歐聯決賽 周秀娜撐曼聯 E 奶紅姑撐偷食Giggs

E 奶紅姑鄧伊玲(Elaine) 撐偷食斯　娜姐有貼士(2011-05-28)


[轉載/Youtube] 歐聯足球決賽明日凌晨舉行，地上最強西班牙的巴塞隆拿迎戰英格蘭的紅魔曼聯，一個神級的美斯足以令紅魔後防草木皆兵，曼聯老馬傑斯被緋聞所困，演出肯定打折扣，高手過招，比數應不離2：1。但講到支持度，紅魔稍勝一籌，周秀娜與里奧費迪南是微博之友，必然支持曼聯，另外李克勤和陳奕迅也力撐紅魔贏波。

－曼聯粉絲－
周秀娜：
我雖然力捧巴塞嘅美斯，但覺得完場90分鐘前，兩隊面對1比1結果，但最終曼聯後防里奧費迪南係會截咗個波交畀隊友射入，所以係曼聯會2比1險勝巴塞。

李克勤：
呢場係贏面4比6嘅波，巴塞無疑贏面高，不過如果加埋主場球迷就會變成五五波，重點係唔好畀巴塞入波先，曼聯做唔做到快速反擊係勝負關鍵。

E奶紅姑鄧伊玲 ：
我睇波鍾意睇靚仔，每次有靚仔好似傑斯咁，俾人侵犯我就會好肉緊。雖然佢近排緋聞纏身，但我信佢一個咁專業球員一定唔會受影響。

陳奕迅：
2比1啦。曼聯今年嘅防守做得好好，打穩守突擊係強項，就算對住地上最強嘅進攻隊伍，都一樣可以發揮。巴塞嘅進攻係好犀利，但冇乜高空攻勢，如果遇到防守性強嘅球隊都好易輸波或者和波。


－巴塞粉絲－ 林敏驄：
我睇好巴塞會2比1贏曼聯，今場波嘅焦點應該落喺美斯對傑斯，曼聯球員應該會mark死美斯，但佢有實力會走得甩，巴塞成隊波夾咗十多年，實力又平均，勝算較高。

洪天明：
我一向係支持巴塞，每個球員都唔會個人化，好有團隊精神，我估佢哋會2比1壓倒曼聯。

張堅庭：
曼聯今次雖有主場之利，但技術上同巴塞比較仲差好遠，巴塞仍技高一籌，佢哋打波時好冷靜，唔會受地利影響，我估巴塞2比1打低曼聯，全場表現我會特別留意美斯同沙維。