[轉載/Youtube] 2011年5月20日 o靚模蔡穎恩（Evelyn）今年退出寫真戰，轉行出DVD教人煮幾味。她揚言要做氣質煮婦，希望用美食吸引宅男粉絲，一齊食住過暑假。自言食大過天的Evelyn，平時愛約好友「邦民女」陳嘉寶和「陽光妹」何思諺到處尋找美食，原來Evelyn的廚藝亦有一手，她說︰「我細細個就鍾意食，因為自己清楚自己嘅口味，所以成日喺屋企煮嘢嚟食。」問到是否食極唔肥？她說︰「我其實都會肥架！因為真係可以食唔停，只係簽咗model公司之後，佢哋叫我要節制啲，唔好食過多。」
儲錢開食店
因為Evelyn喜歡煮食，遂跟公司商量推出DVD分享煮食心得，她更露兩手煮意大利粉和整蛋糕等多款美食。她謂︰「初時公司同事都質疑我煮啲嘢得唔得，覺得出自我手嘅食物唔擺得落口，不過佢哋試過之後都對我廚藝改觀。」
問到會否轉行進軍飲食界？Evelyn說︰「我想開Cafe，可以叫班朋友嚟傾偈hightea，不過依家都係做嘢搵錢先，因為冇錢又點開呢？」她希望日後再推出烹飪書分享飲食心得，收錄煮食時的趣事。
朋友有口福
此外，Evelyn除了炮製美食給家人品嘗，還會在好友面前露兩手。她笑言︰「我平時會煮畀朋友食，有時間就會煮，個個當咗我係廚師。」不過問到緋聞男友Tom有否口福？她即避而不答。
0 comments:
Post a Comment