吳君如讚嘉欣係合格媽咪
[轉載/Youtube] 嘉欣百日宴 晒靚B40歲靚媽李嘉欣與夫婿許晉亨昨晚在君悅酒店，為囝囝許建彤（JM）舉行百萬百日宴，許家三代同堂出動。才100日大的金叵羅大眼JM長得精靈可愛，難怪深得許家兩老疼錫，小JM昨晚更如富B開騷，獲父母邀請日本氣球藝術家專程來港興建泡泡童話世界。
李嘉欣和丈夫許晉亨昨晚於灣仔君悅酒店，為兒子Jayden Max舉行百日宴，筵開23席，以宴請男家賓客為主，包括周一嶽、吳君如及陳鴻業夫婦等，據悉是次宴會由嘉欣揸旗，她特別請來日本氣球藝術家Daisy Ballon設計場地，有傳由許家兩老負責埋單，花費200多萬元。
由於小JM愛冲凉玩泡泡，故百日宴主題為Jayden泡泡童話世界，昨晚場內有貼紙機及抽獎遊戲，場外則擺放小JM扮兔仔的大相，處處充滿童真；菜式方面有鵝肝、燕窩及牛肉等fusion菜。
「冇乜棘手嘢算易湊」
昨日身穿Carolina Herrera連身裙、戴鑽石耳環的嘉欣身形弗爆，與亨亨十指緊扣到場，她怕小JM被閃光燈嚇親，故未有抱B見傳媒，但她於微博張貼囝囝新相及發放一家三口的合照，小JM眼大頭髮多，長得靚仔又可愛。
嘉欣甫開口便大談湊仔經，她說：「我好緊張，成日想睇住佢，有時半夜三更都要睇吓。」小JM是否易湊？她笑說：「唔敢講，驚講咗出嚟小器，都OK嘅，10分鐘佢就飲完一支奶，冇乜棘手嘢算易湊。」亨亨會否幫手？她笑道：「幫手搞亂檔就有，當佢好似公仔咁嘅。換片職責喺我度，都有人幫手。」亨亨怕污糟？嘉欣否認：「講怕我更加怕，只不過唔放心，老公戴眼鏡錫BB，差1mm驚刮到佢，不過做爹哋接觸BB多啲係應該。」
「老爺尤其着重教育」
嘉欣一索得男，老爺奶奶有否獎勵？她說：「唔講呢啲，總之家我好心滿意足，冇嘢比健康BB更欣慰。」此時許世勳夫婦剛出現，記者請嘉欣與兩老合照，她卻說：「唔好啦，佢哋好低調。」老爺有否送禮給乖孫？嘉欣謂：「冇喎，會畀心機培育BB，老爺尤其特別着重教育。」小JM算不算是溫馴BB？她說：「溫馴一定唔似我，佢成個感覺似許家嘅男仔，但越大就越似我。」
0 comments:
Post a Comment