[娛樂] Kama 夜蒲媾仔國際化

Kama 夜蒲媾仔國際化(2011-05-20)


[轉載/Youtube] 英國讀書晚晚蒲　Kama媾仔無國界
第一代邦民女、過氣o靚界女神羅凱珊（Kama），早排因為被指扮大牌同釣金龜，人氣插到落谷底，上年決定叠埋水心過英國讀law，仲改埋個名Amanda諗住重新嚟過，實行同香港班宅男劃清界線。
不過，人黑起上嚟就唔到你唔認命，Kama就算避走英國，負面新聞一樣跟住嚟。繼早排俾人發現佢下巴離奇尖尖哋，懷疑佢借日本旅行為名，做後期加工為實之後，噚日又有讀者爆料，話Kama啲私生活好唔檢點。

放棄讀法律
爆料人話Kama本身有個有米男友喺香港，但去到英國冇王管，就成日去clubbing識男仔，仲話佢識咗個得16歲嘅俄羅斯男仔㖭。除咗俄羅斯，聽聞Kama又同韓國、德國嘅同學仔特別投緣，嘩，好有國際視野喎！不過講到Kama晚晚去clubbing，除非係尖子啫，唔係邊度應付到讀law吖，聽聞佢堅持咗幾個月，最後都係頂唔順，轉咗去讀media算數。