沙灘激吻 家中睇波 林敏驄嗒嫩口俄模「暗室培慾」
忽然1周 - 林敏驄俄妹野戰南灣 第 830 期
[轉載/Youtube] 現年52歲的音樂人林敏驄，與前妻陳伶俐離婚3年，他身邊女伴不停，上周阿驄被偷拍到撻着22歲俄羅斯長腿女模Natasha，二人摸黑沙灘上演真人騷，慾火焚身更多次激吻，阿驄非常受落，他昨日自爆還與Natasha暗室培慾，他的微博也上載了與Natasha在家中的多張自拍親密照。林敏驄自08年跟陳伶俐結束10年婚姻後，二人育有的兩名兒子交由前妻撫養，但阿驄仍會定期跟囝囝親子樂，回復自由身的他近年感情生活多姿多采，去年被爆媾韓妹阿花，近日卻轉口味吃俄菜，上周被偷拍到偕22歲嫩口俄羅斯模特兒Natasha到南灣野戰，旁若無人，二人扭作一團如連體嬰。
33C咪咪的Natasha在阿驄新歌《你不該愛的我》MV中做女主角，她還凸點撐場，難怪合作後即火速撻着，阿驄不時被拍到帶Natasha在身邊，就算到球場踢波，女友都貼身侍候，一段忘年戀打得火熱。
拉黃宗澤落水
對於被拍到沙灘水戰兼激吻連場，阿驄昨日在電話訪問時說：「嗰個係黃宗澤嚟，佢喺沙灘放狗。」不過雜誌圖文並茂，阿驄才說：「我哋朋友嚟，邊有野戰，佢（指Natasha）發現我咁有魅力，佢按捺不住，我哋呢啲係正常社交活動。」除了摸黑玩鴛鴦浴，還在沙灘激咀起來，阿驄被篤爆戀情還拉黃宗澤和胡杏兒落水，並抵死說：「我哋第日再去玩裸泳，不過啲狗仔隊影唔到，同場仲有黃宗澤同胡杏兒，我哋潛咗水。
微博貼相穿煲
有指沙灘野戰後，阿驄還載Natasha返回元朗加州豪園，阿驄保持神秘說：「朋友咪車佢返屋企，但唔知返邊個屋企啫！」問到阿驄是否禁室培慾？他搞爛gag說：「暗室培慾。」與細一截的Natasha是否有發展空間，他說：「天大地大，有乜所謂。」阿驄和Natasha的地下情早有迹可尋，他於5月5日凌晨1時多，連環在微博上載跟Natasha家中自拍照，他當時自爆有美陪睇波說：「忍（飲）杯熱嘢定吓驚先，返屋企瞓覺睇波。」不過阿驄卻抵不住Natasha的熱情，他晒命說：「死火！俾人塔字（住）咗，典（點）甩身？救咼（我）。」
0 comments:
Post a Comment