港姐是非勁 大口江若琳生過仔？！ 2011-06-03 大熱港姐是非勁 3號許亦妮被指整容生過仔
[轉載/Youtube] 【第 39 屆港姐之極速揭秘】應屆港姐爆料未停過，前日大會剛公佈 15 名入圍佳麗名單，但昨日網上已狂爆「大口江若琳」 3 號許亦妮底細，指她容貌大變，闊臉變細臉，又愛炫耀與 Janice Man 、李治廷和何超盈相熟，誇口住比華利山及渣甸山，實情住牛頭角；網友又指她爛蒲兼專媾有錢仔，甚至結過婚生過仔云云，網上更有她與不同男伴的親熱照及抱 BB 的相片。
號梁蔚翎身材勁
昨日一眾港姐穿 low cut連身裙於九展會見新聞界， 22歲的許亦妮對於被傳專有錢仔說：「唔知道，識嘅時候唔理人哋有幾多錢，我唔怕俾人爆料。」問她拍過幾次拖？她支吾以對，其後才說 3、 4次。無綫外事部副總監曾醒明則回應：「佳麗曾結婚同懷孕一定違反選港姐嘅條件，呼籲報料人要有真憑實據，我哋收到會跟查，但單睇一張相就對佳麗唔公平，我哋都會向呢位佳麗作出了解。」
「清純 Jolin」 5號朱晨麗日前被踢爆隊啤，她否認煙酒齊飛，死撐只是拎住啤酒影相；她又自揭已有拍拖逾一年的圈外男友。朱晨麗說話有鄉音，她坦言由蘇州來港，至今 7年。至於來自多倫多的「單辮見飛」 15號梁蔚翎在眾佳麗中身材最勁，行路時胸部晃動，更似足陳冠希的歪嘴，難得她直認說：「係有少少（歪嘴），參加港姐希望學到笑得更靚。」
0 comments:
Post a Comment