[轉載/Youtube] 「百果園E神」陳靜（DaDa）、莊思敏和楊愛瑾（Miki）等聯同一班模，前晚打邊爐慶祝新戲《喜愛夜蒲》煞科，許穎（Phoebe）和何佩瑜（Jeana）同以低胸裝出現博上鏡，風頭被搶的DaDa出言狂寸兩人：「小心辣親個胸。」大合照時莊思敏更刻意擋着Phoebe，令Phoebe甚冇癮。由陳靜、楊愛瑾、莊思敏及一班o靚模合演的新戲《喜愛夜蒲》，前晚在旺角搞打邊爐煞科宴，其中以許穎和Jeana打扮最性感，兩人同穿背心狂騷事業線，成功搶鏡。
莊思敏出招搶鏡
影大合照時，穿火紅色短裙的Phoebe即使明知會露底，仍要企在前排兼踎下，結果莊思敏突然殺出企在她前面，令Phoebe搶鏡失敗甚冇癮，最後她退而求其次，硬要企在莊思敏隔籬博影相。而傳媒要求Miki和莊思敏跟Phoebe及Jeana合照時，Miki和莊思敏表現極不願意，最後勉為其難才肯合照，其間Miki和莊思敏露出不屑眼神。
DaDa打扮密實還戴黑超現身，她解釋因被愛貓抓傷眼角膜，故冇心機打扮。談到風頭被Phoebe和Jeana搶盡，DaDa出言明寸兩人：「唔介意俾人搶鏡，反而我怕佢哋打邊爐辣親個胸點算，我覺得着便服先啱。」
談到衣着性感，Phoebe解釋《喜》片是其處女作，故悉心打扮現身。對於成功搶鏡，Phoebe說：「搶到梗係好，我都想辣㷫大家，我唔怕辣親心口，食嘢我會好小心。」她直認有加墊人工升級。Phoebe低胸搶鏡犯眾憎，Jeana則說：「我都試過着性感啲搶鏡，但唔覺會犯眾憎，我同個個都咁好。」
楊愛瑾默認戀情
另外，被指介入永安太子爺郭永淳婚姻、兼被郭前妻Connie指是狐狸精的Miki，對於被指是小三，她說：「初時係唔開心，好委屈，但公司、朋友同家人都支持，覺得好安慰。」郭曾出聲明指離婚跟Miki無關，對此Miki說：「有同男方傾過，總之一日唔係結婚，我都唔會公開拍拖。」默認雙方拖友關係。
0 comments:
Post a Comment