八方人物：林建岳談女人經 論電影夢
[轉載/Youtube] 無間道》三集電影叫好叫座，若非有獨具慧眼的電影老闆，不能成就這個香港電影新經典。當日拍板開拍電影的寰亞電影老闆林建岳，昨獲演藝學院頒發榮譽博士，榮銜由他的老友政務司司長唐英年頒發，兩人收起平日嬉戲笑臉，在學術殿堂強作認真，顯然，兩人也不是做演員的料子。 冇同張栢芝簽約
林建岳領取博士銜前接受訪問，談身邊的女人、談旗下藝人、談自己的影業王國。
林建岳在娛樂圈雄踞一方，最新傳出他有意與婚姻破裂的張栢芝簽約，他受訪時斷言否認，「到呢分鐘我未同佢傾呢樣嘢，有一定會公佈」。當年淫照事件男主角陳冠希，是林建岳旗下藝人，記者問他敢不敢安排二人合作，他想一想，這樣說：「唔否定如果有一個劇本好適合，觀眾覺得兩人應該拍，我會考慮。要有成功劇本再去搵人，唔會先諗演員後去寫劇本，否則只係炒作，唔係拍電影。」
林建岳是娛樂新聞要角，月前台灣爆出息影女星王祖賢有失聰私生女，與王祖賢有一段情的林建岳，自然又成為新聞人物。他說自己與此無關，「呢件事（私生女）係冇可能，因為當時我同佢（王祖賢）一齊，呢件係唔會發生嘅事」。他又強調不會找王祖賢問這件事，「我作風係唔會因為報道去 find out一樣嘢，當我知道唔係，根本唔會去 find out」。
貴為影視大亨，林建岳卻以「門外漢」角度投資電影，「我希望我拍出嚟嘅電影係有質素，要留住觀眾。拍電影時，我代入畀 60蚊睇戲嘅觀眾，用兩個鐘頭去睇戲，希望收到我想要嘅嘢」。他現時是電影發展局副主席，支持政府成立電影發展基金鼓勵港產電影製作，「要拍多啲先至有機會培養人才，陳可辛、杜琪峯、劉偉強都要有第一次」。
對不少觀眾而言，港產片好像是過去式，林建岳認為港式電影還有市場，他以講述地道煙民百態的《志明與春嬌》為例，想不到在內地也很受落，一旦港產片可直接打入廣東省，面前恐怕不是電影人樂土，而是天堂，「家努力希望打開條生路，由 600幾萬人市場，發展成為 1億 2千幾萬人市場，呢個對香港係好大潛質。香港廣東話係好特別嘅優勢，北方冇人同你競爭」。
搞亞視慘痛教訓
林建岳的夢工場，不止北望，還有將來的西九文娛區，夢想是在西九的大劇院上演改編自電影的舞台劇，「百老匯好多話劇都係電影出嚟，張藝謀就好成功將電影變成話劇」。大計多多，林建岳有否想過成為第二個邵逸夫？「冇，我成日唔想畀自己壓力成為另一個人，我希望我係林建岳！」
他說目前冇興趣再搞電視業， 88至 98年與父親林百欣入股經營亞視，是慘痛教訓，「亞視對我係好寶貴經驗，好多嘢係因為做過電視台，先知道發生乜事」。
0 comments:
Post a Comment