阿旦：希望好來好去 張家輝勸栢芝咪咁盡
張家輝：
我覺得佢（謝霆鋒）處理得好好，其實兩公婆嘅嘢外人真係理唔到，可能會分開，但有時嗌完交打完又可能會攬頭攬頸，外人係估唔到。不過做人講嘢做事都唔好咁盡，男女分開未必係悲劇，但如果分開中間有是非同難聽嘅說話就係悲劇，霆鋒冇失到嗰個位，冇講啲乜嘢，總之相信佢哋會好好解決件事。
黃奕：
知道要這樣面對媒體要有很大的勇氣，很感動，其實感情這回事談不上對與錯，要拿兩個人的事情出來示眾根本沒可能，誰對誰錯，誰說得清。
阿雅（栢芝好友）：
栢芝，辛苦你了，在那麼多流言蜚語裏還維持着樂觀強壯的心，看得我們身邊的朋友很心疼！栢芝，加油！相信很多朋友和我一樣，了解你的苦，支持你。
鄭丹瑞：
一家唔知一家事，唯一有少少遺憾佢哋係名人，緣份喇我覺得緣份，真係好難講，一對 couple緣盡喇！緣盡咗希望好來好去。
Makiyo（栢芝好友）：
你（指栢芝）一定要堅強，我們好姊妹都超支持你，也超愛你，一定要撐住，我們都會在。
王晶：
其實拍《財神客棧》時，栢芝都曾經嚟過探班。我如果跟老婆嗌交，喺大家面前我都係攬住老婆。其實我覺得當日栢芝拍《無價之寶》嘅時候（未跟陳冠希在機艙自拍），情緒都已經幾波動，如果之後佢真係唔出現宣傳，我唔會勉強，不過既然家大家都已經表白咗，我諗佢參與宣傳嘅機會都幾高。
歐陽妙芝：
我會擔心小朋友多啲，當然希望可以破鏡重圓，我知道佢（栢芝）呢一排有去教會，係佢髮型師帶佢去接觸神，我哋牧師師母都見過佢，小朋友喺一個完整家庭長大係最健全最健康。
吳君如：
霆鋒我由細睇到大，栢芝喺呢行又識咁耐，公眾人物，壓力真係好大，我唔評論，太多人評論對佢哋一家都有壓力。
林珊珊：
心入面會覺得可惜，我自己身為過來人，自己又做媽媽，曾經離過婚，呢啲事都係盡快解決佢，小朋友嘅利益係重點。小朋友唔係一件貨物，當時律師提議我哋共同撫養一段時間， 18歲或者 21歲咁，嗰時我哋就選擇呢個方案。
葛民輝：
唔知點樣愛落去，我見佢個樣咁，講到咁都真係應該好辛苦，兩公婆好講緣份同時間配合，維繫方法係一家真係你要淋花我要淋花，係兩個一齊進步，但係總會有例外。
薛凱琪：
一個家庭，父母當然想令子女得到最好，分開好啲，定係堅持好啲，由佢哋去選擇。我覺得佢哋兩個都係我好喜歡，雖然唔係密切朋友，喺我心目中夢想佢哋可以白頭到老。我只係喺活動見過栢芝，我想講栢芝好有義氣，我被人偷拍之後，佢都有 SMS我叫我加油唔好放棄，我只係想霆鋒栢芝開心。
胡定欣：
我諗好多人都唔想佢哋離婚，因為佢哋真係好 match嘅一對，咁多年感情、離離合合又有小朋友，都知冇咁易會離婚，希望經歷咁多會更珍惜大家，唔開心事快啲過。佢哋最好坐低傾吓，咁先係最好嘅解決方法。
0 comments:
Post a Comment