[娛樂] 阿旦珊珊曾經靠阿Lam歌曲而爆紅

阿Lam兒子一定要留鬚？ -- 2


阿旦珊珊曾經靠阿Lam歌曲而爆紅 -- 1


[轉載/Youtube] 林子祥（阿Lam）入行三十五年，歌曲跨越多個年代，鄭丹瑞跟林珊珊曾經靠翻唱阿Lam的《三人行》而爆紅，四處登台賺錢，直至今時今日三人各有成就，珊珊搖身一變成為阿Lam囝囝的經理人，多年的情誼密不可分，非常珍貴。

林：林子祥　旦：鄭丹瑞　珊：林珊珊
旦：我好似同你同一年入行，喺電台第一次見面。
林：我1976年入行，三十五年喇。
珊：當時我仲喺界限街返緊學。
旦：其實我哋有今日都係因為阿Lam，當時未流行咩卡拉OK，我哋又好鍾意唱歌，但係冇唱片公司肯簽我，結果係《小魚仙》有個「慈善唱家班」環節，第一集播出街，我哋就係唱《三人行》。
珊：係呀，唱《三人行》，你估邊三個呀？唔使諗，我就梗係唱詩詩小朋友嗰part啦，何嘉麗唱劉天蘭個位，佢就以為自己係林子祥囉。
旦：結果唱得好似好可愛咁，佢兩個就畀人簽咗，剩番我。
珊：你都唔知，我係撲去華納呀，華納入面有陳百強同阿Lam喎，唔使諗啦，我係歌迷心態入去，每日返工當係fans club party聚會囉。
旦：一隻歌已經紅咗，之後阿Lam仲搵我哋拍《十分十二吋》個MV，不知幾開心，能夠參與阿Lam嘅嘢已經好開心。
珊：我哋跟住仲拎住呢首歌去登台。
林：一隻歌走天涯呀？咁我要收版稅喎！