為 6 個位 E 神戒偷食(2011-06-08)
[轉載/Youtube] 暑假未到，水着寫真戰已掀起序幕，年輕貌美的女模們諗盡辦法出位，有人言論大膽，有人展示身材，各出奇謀，着實讓人喘氣。去年以52款性感造型月曆突圍而出的「百果園」DaDa陳靜今年收起性感，轉玩高貴型格做模Art，愛情與麵包，DaDa選後者，還悲歎o靚模不易做，「我唔甘心就此玩完，希望大家給我一個機會！」 被封為「宅男女神」的DaDa說要轉型，今年書展將以模Art姿態推出個人寫真集，玩盡「夢境」造型。
「今年唔想太性感，以造型為主，環繞我的夢境，玩妝玩造型，當中以黑天鵝的造型我最喜歡，靈感來自同名電影，覺得那些造型和妝容都好靚，也有很多頭飾，走型格高貴感，也會有一個內衣造型。這次在上海外灘取景，你知嘛，當地人見你影相就會很熱情圍觀，所以也不敢太性感走上街。今年寫真戰都好有信心，真係要多謝周秀娜唔玩，競爭下降自然唔擔心銷量。」
鬧爆性騷擾
行性感，DaDa被宅男封為「性幻想女神No.1」，成功俘虜宅男心的代價是暗地裏被人性騷擾。
「曾經收到好多短訊信件，講埋好肉酸，繪聲繪影，但我唔會嬲，只係覺得『有冇搞錯？』被人幻想做咩都無所謂，反正我阻止唔到，當初決定行性感都有心理準備，我想講，香港真係有性騷擾這種事，入行前也曾遇過，小學那年坐巴士就被人摸大髀，可能佢以為我是那種斯文唔敢出聲的女生，但我就好惡咁指住對方鬧，一路鬧到佢落車，唔怕講，我好惡，唔好蝦，唔好諗住埋蝦我！」
不敢再被愛
那個女生不渴望被愛？22歲的DaDa卻清楚說明要麵包不要愛情，全因身份低微。
「真心的，現時真的不想拍拖，事業No.1，始終拍拖唔係兩個人咁簡單，係雙方屋企的事，形象咁性感，會擔心對方家人唔接受，我唔想因為拍拖而有所顧忌，唔想影響工作，你可以話我犧牲愛情。經理人（施念慈）教我好多，有時唔開心會攬住佢喊，講真，如果可以唔靠性感做到今日的成績，有邊個唔想？但好睇你個人條件囉，每次出都要性感，作為女仔始終會覺得尷尬，自己唔想一直咁落去，某程度上係唔開心的，經理人好好，會陪我傾偈，有得的，自己都見到有回報，條路係我自己揀的，要負責任走下去。」
不甘被貶低
DaDa堅稱這次寫真集將成絕響，是第一本也是最後一本，她要轉型，要告訴全世界她有的是內涵。
「唔想再行性感，唔想俾人覺得我好Cheap，唔想只得男Fans追捧，唔想大家只留意我的身材，我覺得好辛苦，壓力好大，我知好多人歧視口靚模，但我問心無愧，我盡力去做，我從來都未試過咁盡力去做好一件事。有好多唔係咁簡單，自己真係有諗過放棄，但我唔甘心，因為我真係有付出，依家放棄都唔知可以做咩，唔可以返轉頭做正行，有諗過去讀書，知識好重要，但又唔捨得走，一走就咩都無，呢行要Keep住曝光，我唔甘心就此玩完，希望大家給我一個機會！我想拍戲，雖然呢刻都只演花瓶角色，火辣辣冶艷那種，但這是一個機會，我一定會努力！」
0 comments:
Post a Comment