兩子去向 撫養權不可私下議決 2011-06-25
[轉載/Youtube] 擾攘多時，鋒芝婚變有新進展，謝霆鋒發表聲明暗示離婚心意已決。據悉，男女雙方會力爭3歲長子謝振軒（Lucas）及1歲幼子謝振南（Quintus）的撫養權。正外遊散心的張栢芝把幼子交由傭人照顧，Lucas雖身在香港，但張栢芝對其行蹤極度保密，以防謝家中人跟囝囝接觸，為撫養權官司作好準備。 報道傳聞 僅作參考
張栢芝前日先發制人，指摘謝霆鋒平日在家只顧打機，不理妻兒，又當兒子透明；但張栢芝也被指疏忽照顧Lucas，經常帶兒子到片場，不讓他上學，更開粟米罐頭給兒子當飯食。律師謝連忠指出，謝、張雙方一旦就離婚鬧上家事法庭，需要處理子女撫養權，但子女的撫養權不由父母私人達成協議決定，需要由法庭判決，「唔可以話霆鋒同栢芝傾掂數，一人要一個」。
謝連忠強調，法庭判決最大原則，是子女跟隨父母哪一方可獲最佳成長作判決依歸。法庭會派出社會福利署職員調查，「報紙上刊登二人點樣疏忽照顧子女，係傳聞證據，極其量作參考，唔可以用作裁決證據」。
律師謝偉俊亦指出，法官會以小朋友的利益作為最大依歸，須視乎孩子年齡、曾否受虐、失去照顧、與父母關係、誰能提供安定穩妥的環境，以及父母有否壞習慣，即嗜賭、吸毒或酗酒。
誰爭撫養權勝數較高？謝偉俊嘆清官難審家庭事，「家好多嘢唔夠實，要睇到雙方嘅實際證據先。一般嚟講，比較細嘅細路仔，媽媽會係更有利，又或者睇能夠花喺細路仔身上嘅金錢同時間，都係重要因素」。謝認為，Lucas和Quintus被判共同撫養或交由嫲嫲、婆婆照顧的機會較低。
《蘋果》記者
0 comments:
Post a Comment