小儀被爆曾在韓國整容大執，有如醜女大翻身，小儀昨日到灣仔拍攝節目，她對整容一事否認，並自稱：「細膽又孤寒，暫時唔會整容。」而且小儀對其樣貌一向充滿信心，特意用力搓鼻樑以示驗明正身。
WOWtv 娛樂-110520 小儀失戀大受打擊 整容醫生力證韓國整容
[轉載/Youtube] Uploaded by wow1tv on May 20, 2011最近阮小儀和金剛主持無綫的《街坊廚神》,平均收視 24點,除口碑不俗外,有網友發現她在節目中忽然靚咗,更熱烈討論她是否整容。有指去年初小儀與出版社男友分手時，曾秘密遠赴韓國的星級整容醫院 UcanB,整鼻和削腮箍煲。
你覺得小儀有無整容?
[忽然1周] 失戀打擊 整容醫生力證小儀韓國整容 2011年05月20日
最近阮小儀和金剛主持無綫的《街坊廚神》，平均收視 24點，除口碑不俗外，有網友發現她在節目中忽然靚咗，更熱烈討論她是否整容。本刊收到消息，去年初，小儀與出版社男友黃志暉（ Theodore）分手時，曾秘密遠赴韓國的星級整容醫院 UcanB，整鼻和削腮箍煲。可惜復合不久，男友又玩失蹤，再飛小儀，令她傷上加傷。
執靚樣標尾會不成，小儀頻頻叫身邊好友介紹男士給她，無奈暫未有着落。快將 41歲的小儀，繼續過 dry爆剩女生活。本刊到首爾 UcanB直擊，獲院長親證她曾來整容。為求嫁得出，小儀不惜大執搏翻身。
在飲食節目《街坊廚神》中，小儀明顯由豬膽鼻變成間呎鼻，梯形面變尖面。有好友大讚她靚女時，小儀開心到忘形，不經意自爆在去年初曾到韓國整容。
其密友透露：「小儀話佢去好多韓國明星幫襯嘅 UcanB整容，係美容界嘅朋友介紹。佢攞咗假先至預約，事關佢想喺嗰邊唞吓，消晒腫先返香港。佢話嗰兩個醫生手勢好好，一個星期左右傷口就好晒，麻醉藥過晒後都唔算太痛。佢怕撞到香港人，養傷期間唔敢去街，日日匿喺酒店。嗰陣佢同 Theodore（出版社男友黃志暉）拍咗幾個月拖， Theodore就飛咗佢。小儀好傷心，周圍打電話向人哭訴，又話好掛住 Theodore，掛到瞓唔着。佢話之後個樣執靚咗，信心先返晒嚟，仲狂 keep fit拍纖體廣告。 Theodore見佢瘦咗又靚咗，再追番佢。不過去年中 Theodore升做尚方文化出版社嘅 CEO後，突然潛水，唔聽小儀電話，留言又唔覆，飛多小儀一次。整靚咗都留唔住個男友，小儀好傷心，我哋班朋友就叫佢以後要帶眼識人。」
去年到韓國整容後，小儀變成尖面高鼻，自信心急升，更接拍纖體廣告以全新形象示人。
0 comments:
Post a Comment