[轉載/Youtube] 將與政府就新界僭建問題談判的鄉議局理順小組成員侯志強，向政府發出警告，若草率拆除僭建物，「係咪想搞到世界大亂，搞到好似伊拉克咁？」他又向政府開出 3 大條件，政府讓符合無結構性安全、美觀和不妨礙行人通路的僭建物繼續存在。 贊同流血革命言論
侯志強昨日出席一個公開活動後，回應有關新界村屋及丁屋僭建問題時指，僭建問題屬全港性，政府若只在新界區清拆僭建物，是對新界人不公，「任你邊個局長嚟拆，都要拆60年，你無理由排我哋第一名拆先，排我哋60名先至拆，得唔得？」
他說個人絕對支持鄉議局委員曾樹和早前聲言新界人為保產業，不惜發動「流血革命」的言論，認為反映不少新界人心聲。他又指，鄉議局有人太過軟弱，「樣樣都話以和為貴，和氣生財，有啲嘢你唔企出嚟係唔得」。
侯志強反駁有人要求透過立法，即時清拆新界僭建物的說法，「你派幾萬個職員嚟拆屋都拆唔掂啦，用60年做嘅嘢，一兩年拆唔拆得晒先？所以有啲人猛咁逼政府都冇用」。他又指，不少新界人居住的地方屬「舊屋地」，並無限制建築樓層數目，「政府係無例可依，無法可執」。
0 comments:
Post a Comment