新抱栢芝挾兩子講數 四哥：掛住啲孫
[轉載/Youtube] 【鋒芝變之老爺心痛】鋒芝婚變日日有新發展，雖然主角謝霆鋒和張栢芝都封嘴避談，近日還有指栢芝挾着兩子Lucas和Quintus不停向老公掠水，企圖吸乾其財產，霆鋒立即密謀對策，並安排律師到大馬商量，打算與栢芝爭取一對囝囝撫養權。身為爺爺的謝賢（四哥）大爆沒見一對乖孫兩星期，掛到入心入肺。謝霆鋒和張栢芝上月底爆婚變，至今已兩周，有指栢芝恃着Lucas和Quintus是謝家慈姑椗，深受嫲嫲狄波拉和爺爺謝賢寵愛，鋒芝婚變後，栢芝馬上揸實手上王牌作傾談條件，四哥昨日接受本報記者訪問時，直認掛住乖孫。
「兩個禮拜冇見啲孫」
四哥向來錫到乖孫燶，他說：「我成兩個禮拜冇見過啲孫，最後一次見係喺屋企，掛住佢哋都係喺心度。」有指栢芝早前帶Lucas到中環巡霆鋒的多個舖，打算叫他把舖位轉入兩子名義的基金，並由她做監護人，直至兩子21歲才可用，有指栢芝早前還吼住霆鋒買給四哥的豪宅收歸旗下，四哥說：「係咩，我唔知喎。」鋒芝婚變進展如何？曾笑言要當兒子代言人的四哥說：「到我關心咩，家唔係我講嘢嘅時候。」四哥表示不會為此事不開心，他說：「我刀槍不入。」
霆鋒經理人霍汶希（Mani）昨日在W酒店出席林峯個唱記者會，談到有指律師飛大馬會霆鋒，她說：「唔回應喇，佢今日休息可以唞吓，如果佢妹妹（謝婷婷）係飛過去，佢哋可能會食餐飯。」Mani指若《逆戰》沒延期，霆鋒拍至月尾便完工，並會有五天假期休息。若鋒芝最終選擇離婚，唱片公司可會支持？Mani坦言：「我當然希望冇事啦，希望霆鋒嘅意願係開心。」
李丞責：抵得住風雨
此外，堪輿師李丞責昨日在金鐘出席無綫活動，他就鋒芝婚變說：「能夠做得夫妻，甚至生兒育女，證明兩個人感情關係好好，睇佢哋面相應該係抵得住風風雨雨，要互相支持同鼓勵。」
0 comments:
Post a Comment