[轉載/Youtube]石詠莉以往仍屬蕭定一旗下藝人時，堅稱真材實料絕不整容，後來她脫離蕭的公司，前晚現身時卻大變臉，鼻挺又尖，臉瘦削加眼變大，但她極力否認整容，聲稱針灸醫水腫才得此效果。 石詠莉、趙碩之、羽翹及胡心諾等，前晚於圓方出席電影《變種特攻：異能第一戰》（ X-Men： First Class）首映，趙碩之穿着紫色蕾絲上衣，透視米白色胸圍，性感搶風頭，但石詠莉變臉現身也惹人注目，但她否認整容。
「可能我以前肥
石詠莉以往簽約蕭定一時，為其纖體公司做代言人，但她不做整容公司代言人，還常自稱真材實料，暗寸同門甄穎珊整容。直至石詠莉脫離蕭定一旗下，前晚現身時整個樣子有如另一個人，鼻子高挺又尖，臉形瘦削修長，眼睛也變大了，但她卻否認整容，她說：「家瘦咗，之前公司話我肥，我又剪短頭髮，新形象令大家耳目一新啫。我同美容院嗰邊都唔係代言人好耐喇，我唔會整容，打針都唔會。可能我以前肥，大家覺得我面脹。」
石詠莉以往任美容院代言人時臉脹，現在不是代言人反而臉瘦了？她說：「大家諗吓囉呢啲嘢，以前真係成日水腫得好緊要。」她謂現時常看中醫針灸醫水腫，做了很多工夫，然後又用手篤鼻做出豬鼻動作，並說：「整咗唔可以咁摸 o架，我冇整過。」
談到是日密實不性感，石詠莉說：「大個咗試多啲嘢，大家都知我有身材，唔需要，珍貴咗呀家個咪咪，少咗露。」她謂看場合及酬勞才會露咪咪。
羽翹：試吓整容
羽翹打算出美容書，她說：「為本書我會試吓整容，但只係微整形，微針嗰啲，太多就唔會。」趙碩之雖然將事業線收起，但透視裝也相當性感，她說：「我睇場合着衫，遲啲配合寫真有唔同造型。」
問到下月推出的寫真有甚麼攻勢？趙碩之說：「要賣關子，費事俾人抄橋。」近日 o靚模出寫真出動口水戰，她說：「做番自己，人哋嘢唔講。」
0 comments:
Post a Comment